ಕಂಪ್ಯೂಟರ್ ಕೂಲಿ

"ಕೂಲಿ ಬೇಕೆ ಸಾರ್, ಕಂಪ್ಯೂಟರ್ ಕೂಲಿ,
ತಾಸಿನಿಂದ ತಿಂಗಳವರೆಗೆ,
ಅಂಗಳದಿಂದ ಮಂಗಳನವರೆಗೆ,
ಎಲ್ಲೇ ಇರಲಿ, ಎಷ್ಟೇ ಇರಲಿ
ವೀಸಾ ಒಂದು ಕೊಡಿಸಿರಿ ಸಾಕು,
ಕೂಲಿ ಬೇಕೇ ಸಾರ್, ಕೂಲಿ, ಕಂಪೂಟರ್ ಕೂಲಿ"

"ತಾಸಿಗೋ ಐವತ್ತು ಡಾಲರ್
ಸಾಲಿಗೆ ಐವತ್ತು ಸೆಂಟ್,
ಅವಾಗಾವಾಗ ಒಂದಷ್ಟು ಕೋಕು;
ಇನ್ನೂ ಖುಷಿಯಾದರೆ ಒಂದಷ್ಟು ಸ್ಟಾಕು;

ನಾನೇನು ಕವಿಯಲ್ಲ,
ಗಟ್ಟಿ ಭಾಷಣದ ಕಲಿಯಲ್ಲ;
ನಾ ಗೀಚಿದ ಸಾಲಿಗೆ ಪದವಿಗಳ ಗೋಜಿಲ್ಲ;
ತಿಂಗಳಾದ ಮೇಲೆ ನೀವುಂಟು, ಸಾಲುಂಟು,
ನನಗೂ ಅದಕೂ ಇನ್ನೆಲ್ಲ ನಂಟು,
ನಿಮ್ಮ ಹೆಸರೇ ಇರಲಿ, ನನಗದರ ಬೆಲೆ ಬರಲಿ,

ಯಾವುದೊ ಅಕ್ಷಾಂಶ-ರೇಖಾಂಶಗಳು ಸೇರುವಲ್ಲಿ ಕುಂತಾಗ;
ಹುಟ್ಟಿದೂರಿನ ಬೆಟ್ಟ ಮತ್ತೆ ನೆನಪಾದಾಗ,
ಬರಹದಲ್ಲೊಂದಿಷ್ಟು ಗೀಚಿ ಕಳಿಸಿದ ನೆನಪು;
 SYBASE ಮಾದಯ್ಯ,  Oracle  ಚೌಡಯ್ಯ,
 D-BASE  ಕುಲಕರ್ಣಿ, C++  ನಾಡಕರ್ಣಿ;
ಹುಟ್ಟಿದ್ದು, ಬೆಳೆದದ್ದು, ಎಲ್ಲಾ ಹೀಂಗೇನೆ,
ಅದಕೇಕೆ ತುರಿಕೆ,
ಜಗದ ಕೂಲೀ ಸಾಹಿತ್ಯಕ್ಕೆ ನಮ್ಮದೊಂದಿಷ್ಟು ಬೆರಕೆ"