ಗೋಕುಲದ ಕನಸು

ದ್ವಾರಕೆಯ ದರ್ಬಾರಿನಲ್ಲಿ
ಕೂತು ಪಟ್ಟಾಂಗ ಹೊಡೆಯುವಾಗ,
ಮೆತ್ತನೆಯ ಸಾರೋಟಿನಲ್ಲಿ
ಸುಂಯ್ಯೆಂದು ಸಾಗುವಾಗ,
ಮನವನೇಕೋ ಕಾಡುತಿಹುದು
ಗೋಕುಲದಿ ತಿಂದ ಬೆಣ್ಣೆ ನೆನಪು.
ಸುತ್ತ ಹಸಿರು, ಕೈಲಿ ಕೊಳಲು
ಹಸಿರ ಮಧ್ಯೆ ಕುಣಿವ ನವಿಲು,
ಮುತ್ತು ಸುರಿದು ನಗುವ ಮಳೆ,
ಹೊತ್ತಿಗೆಲ್ಲಿತ್ತು ಬೆಲೆ?

ಬೆಣ್ಣೆ ಮೊಸರು ಬಂಡಿ ತುಂಬಿ,
ಮಥುರೆಯೆಡೆಗೆ ಸಾಗುವಾಗ,
ತಿರುಗಿ ಬಂದ ಗೊಲ್ಲ ದಂಡು,
ಕಂಡ ಸೊಬಗ ಹೊಗಳುವಾಗ,
"ಬಿಲ್ಲ ಹಬ್ಬ! ಸ್ವಣ ತೇರು!!"
ಒಂದೆ ಎರಡೆ, ನೂರು ಕನಸು
ಸಿಕ್ಕ ನೆಪ, ಕಂಸನೋಲೆ,
ಸೆಳೆದು ತಂತು ಮಥುರೆಯೆಡೆಗೆ
ರಾಧೆ-ನಂದ ಎಲ್ಲ ನಿಂತು
ಹರಸಿ ಕಳಿಸಿದ್ದಿನ್ನೂ ನೆನಪು.

ಮತ್ತೆ ನೂರು ಕನಸು ಕಂಡು,
ಸುತ್ತ ನೀರ ಬೇಲಿ ಹಾಕಿ,
ದ್ವಾರಕೆಯನು ಕಟ್ಟಿ ಕುಳಿತು
ಲಾಭ ನಷ್ಟ ಎಣಿಸುತಿರಲು,
ತೂಗು ಮಂಚ ಜೀಕುತಿರಲು,
ಮತ್ತದೇ ಹಳೆಯ ಕನಸು:
ಆ ವಿಚಿತ್ರ ಕನಸಿನೊಳಗೋ?
ಸಗಣಿ-ಬೆರಣಿ ಎಲ್ಲ ಸೊಗಸು: